اعجبتني ونقلتها لكم
ياشين حظي زارني طيفك بوقت الامتحان
حطيت يدي فوق يدي قلت مبغى احل
ياسبع وجه الاسئلة اللي تخليني اهان
وياسبع وجهك ليه تطري لي وسط الفصل
ضاعت جميع الاجوبة عني وانا ولد الحصان
اللي يحل الاسئلة واجوبتي مافيها جدل
قمت اتعوذ منك ومن ابليس ومن شر الزمان
لافادني تعويذن ولا استذكار وكبدي اندبل
قلبت بالاوراق يمكن ياعسى او يا عسان
صح وغلط اكمل فراغ مافيش ياعمي امل
صابتني الضحكة وقمت اضحك وابي ابكي عشان
مدري شعور الامعة والا غباء ولا هبل
الزبدة وش لك بالطويلة ياعويد الخيزران
ألفت مادة مو جديدة الا مثلها ماحصل
اي والله احبك وطيفك بس يذوقني الهوان
اي والله ان طيفك يسبب ارتباكي ياعسل
هذا دليل اني احبك ميتن فيك بجنان
هذا دليل اني عشقتك مامشيت اردى السبل
ياطيفها تكفى انسني لاصارت الساعة ثمان
ولا جا العصر اذكرني لكن لاتذكرني قبل
ياطيفها عطني خبر لاتزورني بالامتحان
ترى رسوبي تذكرة يم الصياعة والزلل