لكم ياغناتي ياحالي
قصيده ابي رايكم فيها
تعبت من التعب مليت من دربك ..... نسيت خطاك
شربت من الظما حتى رويت وفاض فنجالك
ذكرت غيابك الي لو نسى ه...الكل ماينساك
يدورك الحنين فذكريات الوقت مايلقاك
يمرك كل ليل اكثار ناس وتسهر لحالك
(محمد)ليه هذا الحزن في عينك يجيب اقصالك؟
(محمد) وش بلاك تحب شي ماتهيا لك ؟
نشف فيك الكلام..ورحت من صمتك تصب شفاك
غدر فيك القصيد الي تقول وراح ماقالك ؟؟
ملل نومك ..ملل يومك ملل دومك .. ومادراك
مواويلك ..سهر ليلك ...يبي يشيلك ولاشالك
وسع ضيقك .. نشف ريقك ترتل صبحك لظلماك
تعبت تهمك احوال العباد وتهمل احوالك
تسسلل من ورى باب السنين لذكره شباك
يساورك المدى ..تقراء القديم وترسم اطلالك
هنا لعبتك ضاعت ..مر طفل بلعبته بكاك
هنا دمعتك طاحت ضيعوا فرحتك بريالك
هنـــــا سويت من وهم الزمان احلام ماتسواك
هنا فازت هزيمتك ورجعت تجر اذيالك
هنا يلبسك ثوب العيد ماتعرف حزن دنياك
هنا تجلس على صدر المكان وترخي عقالك
هنا اول مره تصافح غرام وترتجف يمناك
هنا اول مره يطيح الكلام وتوقف افعالك
هنا ودعت ابوك وانتقلت انته الى مثواك
هنا وحدك قدرت تشيد اعظم حلم متهالك
طلعت من الحياه بـــــــــــــــ يرحم الله شايب رباك
تغيير شوف وانا ابوك صارت شف وانا خالك
هنا ترجع ترجع لشباكك كبرت وصرت غير هناك
تحاول وحدك تطفي وهمك وتشعل امالك
وحيد الامن اكثر بوح لاجابك ولاوداك
بعيد الامن اقرب روح راحت قبل تقراء لك
(محمد) بعدهذا الهم وش باقي لجل اقراك؟؟؟؟؟؟
(محمد) كل هذا الهم وش
خلا لعذالك؟؟؟؟؟؟؟؟؟؟؟؟؟؟؟؟؟؟؟؟
تعبت من الحياه وملت ايامك تبي فرقاك
ذكرت الكل لكنك نسيت تمر في بالك
منقوله