خواني مشرفي واعضاء وزوار شبكة بني عبس,,منتديات عنتره بن شداد
اقدم لكم هذه المحاوره التي جرت بيني وبين الشاعر معيوف العبسي
في دواوين بني رشيد
في تاريخ 11/8/1427هـ
واتمنى ان تنال على استحسانكم
------------------------------------------------------------------------------------------------------
يا ابو خالد جعل عمرك على التقوى يطول=واحفظ الله شجرة(ن) مستريح بظلها
جاني اللي كل سيرتك عنده عرض طول=بالتفاصيل المملة عرضها كلها
ناصر الشويلعي
بارك الله فيك وانته من اصحاب العقول=واحفظ الله شجرة(ن) كلنا نفطن لهـا
سيرتي سيره شريفه على نهج الرسول=وانت وضح بين دق العلـوم وجلهـا
معيوف العبسي
والبقا بك ياهلا واحمدالله بالوصول=والصلاة اللي تناسيتها قم صلها
لاتحسبنك يا ناصر عن الناس معزول=العلوم السابقة طيع شوري خلها
ناصر الشويلعي
ياكثر من ينشد الناس عنـا ومـن يقـول=يـوم جمـعـت الجمـاعـه تـعـال اذن لـهـا
انت يمكن غشك الوقت مع رجل مهبول=ماعلـيـنـا سـابـقـه والــــدروب نـدلـهــا
معيوف العبسي
يا كثر ما يغلط من العرب رجل(ن) عجول=الجماعة تجتمع وانت قمت تشلها
ما تروعنا المزامير واقراع الطبول=اعرف انا لا غزينا بلد نحتلها
ناصر الشويلعي
علم العيَّال قله ترى بدربه عيـول=والعيون الحاسده بالخـلال نخلهـا
لاتحسبني عن الناس والدنيا جهول=والسيوف اللي مايعرف لها لايسلها
معيوف العبسي
لو تحلق بالسماء ما وراك إلا النزول=صرتك يا صاحب المعرفة لا تفلها
ما نقول إنك جويهل ولا رجل(ن) خجول=السيوف ألنا وحنا رجال أهللها
ناصر الشويلعي
المواقف لهلها والجمال الهـا الحمـول=وانـت اشوفـك ودك ان الكبـود تعلـهـا
يامعيوف انته علومك بها الدنيا تهول=كل ناس(ن) نعرف علومهـا وسجلَّهـا
معيوف العبسي
طاحت السبحة من أيديك بالليل السدول=العجم ما تفهم الهرج لين ارطلها
ليش صرت بتالي الليل يا ناصر زعول=ناس ما تقدر عليها نصيحه خلها
ناصر الشويلعي
اخـر الايـام شفـنـا مــن يـصـول ويـجـول=قام يطمـر فـي علـوم(ن) ماهـو كفـو لهـا
مازعلنا بـس بعـض الحكـي مالـه حلـول=شفت ناس(ن) تعقدعقود صعب(ن) حلها
وسلامتكم
تحياتي الكم