يشرفني ان اضع لكم هذه القصيده والتي وجهتها للشاعر / ناصر الفراعنه
قبل فتره طويله وذلك من باب كون الشاعر اخ عزيز علينا وايضاً لما يتحلى به من ابداع
بالشعر وخوضه بحور قد لايجيدها الكثير من شعراء العصر الحديث فلكم
القصيده
ياناصر الفراعنه
يا ناصر الفراعنه سلام ناصيك السلام=ياصلك يابن اللابه اللي بالمواقف تعتلي
يابن أسبيع اللي لهم بالمجد تاريخ ومقام=من ماضي الدنيا وهم شجعان نار(ن) تصطلي
أهل الفعايل ربعك السبعان ما فيهم كلام=بيت الكرم ساس الوفاء أهل الحزام الممتلي
مروين حد أسيوفهم يوم المغازي بالجهام=ومزبنين اللي زبنهم عن عدوة يدخلي
ولا وقتنا الحاضر وهم بالعز ممشاهم لأمام=قبيلة(ن)مثل القبايل قدرها ماينزلي
وأنت الذي من عرضهم شاعر ولابس للوسام=بالشعر يضربك مثل كل(ن) منك متهولي
ليا صخرت القافية مشيتها بسير النظام=تصارع أجنون القصيد اللي معك تسترسلي
تغوص ببحور المعاني لين تاصل للمرام=يشوش راسك بالطناخة والشجاعة تصملي
يشهد لك أعلام الفضاء وتشهد جماهير(ن) احشام=وتشهد مقالات الصحف اللي عن اسمك تنقلي
وأنا اشهد أنك شاعر(ن) شعرك مثل رمي السهام=بنات فكرك لا حضرت مثل الجواهر والحلي
في كل طرق(ن) تطرقه برقك حقوق(ن) بالغمام=سبحان من في قدرته تنقض بيوت وتفتلي
وصلاة ربي عد من صلى بها الدنيا وصام =على النبي اللي مكلف بالرسالة مرسلي
الشاعر
ابراهيم الرشيدي