الشاعر/زعل الرشيدي
اسماًلمع في عالم الشعر منذسنين مضت شاعريختار ويصيغ ويبدع
صدر له ديوان شعر بعنوان "زمان البوح"
شاعرله أسلوبه الخاص بالتعامل مع الكلمه ولفت انظار المتذوقين للشعر
شاعر يعجز القلم يوفيه حقه ومهما قلت وكتب عنه لن أوفيه
شاعروبنفس الوقت صديق عزيز.
حلصت بيني وبينه رديات كثيره سوف ترونها بالقريب العاجل بحول الله
ومن معزة ابوعبدالرحمن حبيت أن يكون له بصمه هنا لو بيت شعر
يكون بخط قلمي!
ارجو من ابوعبدالرحمن ان يسامحني عن القصور واختصار هذه الكلمه.
اترتكم مع رائعه من روائع هذا الشاعرالكبير
لاهنت يادمعٍ من العين هلي=دمعٍ تقل من ضيقة الصدرهارب
لاطاح لولا عزتي طحت كلي=والدمع بعض احيان مافيه ذارب
قاسي علي اقسى من فراق خلي=وأحرمن لدغة خبيث العقارب
أحتجت له يوم اقرب الناس زلي=ومشارق الهقوه طوتها المغارب
زله وتلتني من اقصاي تلي=لين أرتخى حبلٍ من الطيب كارب
لوهي من اقصى الناس قلنا تحلي=لاشك هذى بين لحيه وشارب
كنت احسب أنه لي عن الشمس ظلي=وعن الضماعدن عذي المشارب
لكن لقيته بالردى واقف لي=ولقيت وجهه حزة الضيق غارب
واليوم للفرقا تركته يولي=والحرلامنه جزع مايقارب
راي العوج من يتبعه مايدلي=والناس مختلفه شعور ومئارب
أحدن على الدنيا خدعه التسلي=وأحدن حريص وعلمته التجارب
تبرأ جروح الوقت وتموت غلي=لاشك ماتبرأ؟جروح الأقارب
زعل الرشيدي=