[بنت العبسي]

الفارس : ثنيان الرشيدي
والذي رسم البسمة على مبسم حروفنا وكلماتنا قبل ان تعتلي وجوهنا .. ذلك الراائع والذي أضاء
مسرح المليون بقصائده وبيض وجه القبيلة بروعة كلماته .

:
.
أحببت أن يكون لهُ نصيب من مجلتنا تعبيراً منا عن فرحتنا بروعة ما قدم لنا من فرحة غمرت كبارنا
وصغارنا .. فهاهي قصيدته ( أحبهم قبر قبر ) مكتوبة ( هدية ) .. لمن يحب قراءتها :

سافرت للبيرق حزين ولانسيت الا الدموع =الحزن مايجبر عزى والكسر مايجبر كسر
حزني فراق أقارب راحوا مراح بلا رجوع= اسكنتهم عهد الثرى واحبهم قبر قبر
لهم ممات باللحد ولهم حياة بالضلوع =اعيشها متجدده طال العمر ولا قصر
مؤمن بمايكتب لي الله واطلب الله بالخشوع = يغفر لهم رب البشر وايماني برب البشر
وآقف وكني من بعدهم لاجريح ولا جزوع = أقابل الدنيا بضحكت سن وضلوعي جمر
وابادل الدنيا عطاها من ثراها للفروع =استقبل القسمه رضا واستثمر طعوني عبر
واضحك مثل غيري واشب لبسمة الفرحه شموع=لو فرحتي غفوة عيون الذيب وسنيني سهر
واذا طلبت سلمى ركوعي مالقت مني ركوع=مانيب راكع والركوع اللي ماهو لله كفر
واذا سقتني من عيون الود فنجال القطوع =اسقيتها فنجال صبر وقلت يربح من صبر
وان قابلتني بالتحدي فز قلبي للجموع = فزة نداوي(ن) تعلم لاسبوق ولا وكر
واسرجت لي مهره اصيله ودحمت بين الدروع= والذل بطن بلا ظهر والعز له بطن وظهر
اما عشاي من النحر ولا عساي اموت اجوع = والجوع اخير من العشا اللي ماتربى بالنحر
آخذ من الدنيا مدارس للعقول وللطبوع =واخذ من الراحه زهر واقصر عمر عمر الزهر
لولا التعب مايضحك الفلاح لظلال الزروع= اخذ الخبر ياصاحبي من صاحبن عنده خبر
والصبح دورني وتلقاني على سلم طلوع=ارقى على متن الهرم واخايل الحادر حدر
جيت اتلهى بشربة الفنجال ماهو للقدوع = لعيون حلم ابوي وعيون الثريا والقمر
واقول ياصدر الهموم اللي هواجيسك تروع = لاتفكر انك منهزم قم فكر انك منتصر
لابد حل المشكله من داخلك وانت مخدوع= متكابر همك وهمك لاتكابرته كبر
حاول بنوع وخل نوع ونوع نوب يجيب نوع =تقلب حجر ويولع الكشاف من نفس الحجر
تراك رابح منت خاسر لو عطاك الوقت كوع =اللي خسرته بالحياة تواجهه يوم الحشر
والله كفل رزق الحرار ولا نقص رزق التبوع = ولو عذب الانسان مافرغ على قلبه صبر

:
.





ولم ننتهي لهذا الحد بل هُناك قسم آخر لتكتمل فرحتنا بإذن الله ( مشعل الرشيدي ) الفارس الآخر
الذي ننتظره بعد أيام قليلة لترتسم البسمة مرةً أخرى بإذن الله فالله معه أخونا الراائع ( مشعل )
:
.

وسنبقى في انتظار البيرق يرفر على بني رشيد بكل جدارة بإذن الله