الموج هايج والسفينه تمايل=تميل وقت ووقت تركد اشوي
رحله غريبه شفت فيها الهوايل=تعبت فيها بين روحه وجيه
بخذ وبعطي بس مامن حصايل=والارض خصبى والمواقع نديه
مخطي ومخطي والخطى له دلايل=والفرق واضح بين حسنه وسيه
احيانن اعاتب واكثر الوقت شايل=شايل على نفسن نزيه بريه
ودي اعاملها بحسن العمايل=وابذله المجهود والنار حيه
وتكثر اقويل وتكثر فعايل=ولحدن يميز بين شمسن وفيه
ومجالست طلق الوجيه الشكايل=موصن عليها وحتميت الوصيه
عطفك ولطفك يعظيم الجلايل=من يوم مابه فزعتن مع حميه
اعوذ بك يلي تنشي المخايل=من كلمتن من دون قصدن ونيه
هاذي حقيقه بين بعض الفصايل=تجمعو والدرب قصبن سويه
الشاعر
عواد محمد مبطي الرشيدي