11-12-2015, 04:55 PM
|
|
محاورة بين الشاعر مساعد و الشاعر خالد القعبوبي
مساعد :
سلام الله سلامن يشبه بنوره طلوع النور
علي الشعار والحضار والقاصين والداني
مع الله لا سرينا يالنشاما معتلين الكور
تطيب النا المساري لحضرو خطلان اللايماني
خالد منصور القعبوبي :
هلا يا مرحبا من خاطرن ف امقابلك مسرور
تراحيبى مثل وبل المطر لا هل ودانى
توكلنا على الله والنعاره مكسب المنعور
وتهاتيه الليالي ماقطعها كود سرحاني
مساعد :
عسى فيك البقا وان مت جعلك في جنان الحور
يرددها ظميري وتترجملك علي لساني
يعيش الفارس اللي لا وقف عظم العدو مكسور
ولا يشهد شهادة زور للعالم وبهتاني
خالد منصور القعبوبي :
عيال شعيب في حيره وباب المنتدى مكسور
ولا معهم عصا موسى ولا خاتم سليماني
زعيم المافيه باقصى الديار يوقع المنشور
ولالك فيه حيله لو تعزوى في كحيلاني
مساعد :
نعرف ان الجويهل حجته بنه من اهل السور
ومن هذي رثع بالناس ياربي لا تبلاني
يهب الله يلعن من قنص بالطير ابو دنقور
لونه صاد وحده يب يضيع عشر مجاني
خالد منصور القعبوبي:
علماء الفلك فى دور وباق العالمين ابدور
وهذى حكمة الله فى عبيده والعمر فانى
بطون الطرس زاعت دمها فى سكة المهجور
وقالت ما هويت المهتوى لو كان يهوانى
مساعد :
ارا في قوم موسى تجهل التورات قبل الطور
رفعه الله سما حتي ثبت من دون عمداني
انا والله مالي حاجتن في تركت المقبور
لكن الحق ميزان الرجال وكلت ميزاني
|