البارحه عني لذيذ الكراء طار
والجفن يابوسعود حارب منامه
واخذت لي مع سجته الفكر مشوار
لجل الرفيق ووقفته واحترامه
يامرحبا وعداد همال الامطار
وعداد براق الحياء بالغمامه
بسمي وبسم الشيخ ياطوال الاشبار
شيخن علا العلياء رفيعن مقامه
عز الرفيق ومكرم الضيف والجار
من رؤس ربعن يحتمون الجهامه
صويلح جريد اليا صار ماصار
عزوة كريم الذات ولاحزامه
افخر بطيبه مع بعيدين الانظار
الي ينومسني وفاه ومقامه
حرن تعلا الطيب من ماكر احرار
يرهي علا الجزله من اول محامه
وافي وله عند الرياجيل مقدار
رمز الشجاعه والكرم والزعامه
......
قصيدة الشاعر/ عادل ضايد ابن حماد
بزواج ابناء الشيخ / صويلح جريد ابن داموك.