[خوي الذياب]

خلك هبل واحيان يا زين الهبال = بين المهبل سو مثل اهبل هبل
العقل في هذا الزمن مثل العقال = اقصد عقال القيد في يد الجمل
إلا اذا جت للحرام وللحلال = لاوالله ابعد عن مواطين الزلل
واختار فى الصحبه من خيار الرجال = واحذر مخاوات الردي ولا النذل
والهرج مثل الكيف بصدور الدلال = فنجال كايف خير من عشره دبل
وبعض العرب هرجه مثل سمن زلال = اذا نظرت السمن من فوق العسل
وقلبه اسود مالبراقع والشيال = والسوس في حب المزارع والنخل
عايش على النمه وفعل الاحتيال = أما يكبّر سالفه ولا نقل

الموضوع الأصلي: خلك هبل واحيان يازين الهبال | | الكاتب: خوي الذياب | | المصدر: شبكة بني عبس