[جفاا]

هاك عمرٍ ماذخر لـ رضاك طرفه :
وين ماوجّهت لـ دروبك خطفني !


للسهر / للضيق واتعبني بعزفه :
كلّ نوتة مرّت الجرح اتعزفني !


إلتقيتك في وجيه الناس صدفة :
وإنت موعد لو رجيته مانصفني !


صاحبي والحب قول شلون وصفه :
إكذب وزّين جروحه / لا جرفني !


قل : أحبك وافتح لهالحلم شرفة :
سلّم أحزاني لريحك واحترفني !


خلّني اسلى وتكفى هزّ كتفه :
فرحي الساهي وريّح يوم جفني !


من فقدتك شاخ صوتي ما اعرفه :
حتى وجهي بـ المرايا ماعرفني !

الموضوع الأصلي: إلتقيتك في وجيه الناس صدفة : وإنت موعد لو رجيته مانصفني ! | | الكاتب: جفاا | | المصدر: شبكة بني عبس