[ابوصـالح]

اقتباس من مشاركة سعد العنـزي السلام عليكم و مبارك عليك باجي الشهر أخوي العزيز .. أعجبتني الأبيات وايـد من بعد أذنك و اذن العم حجي الهيفي .. أنا مصمم الكتروني و راح أطرح خلال أيام قليلة كولكشن عبارة عن مجموعة من التصاميم الوطنية لـ بلدنا الكويت الحبيبة و من ضمن التصاميم تصميم لـ سمو ولي العهد الشيخ نواف الأحمد الصباح الله يحفظه و أخذت جزء بسيط من القصيدة مع ذكر أسم صاحب القصيدة الأصلي حرصاً مني على حقوقه و هالشي واجب حاولت أراسلك على الخاص بس المنتدى الكريم محدد عدد معين من المشاركات و لضيق الوقت حبيت أذكر هالشي بالموضوع و بإذن الله راح أرسلك التصميم فور طرحه يوم الخميس بتاريخ 2 / أغسطس تقبل خالص تحياتي يالغالي ،، أخوك / سعد العنزي

وعليكم السلام ورحمة الله وبركاتة

هلا وغلا وحياك الله يااخي سعد والساعه المباركة

اخي الكريم

لا اعتقد العم حجي الهيفي يمانع مدام مافي اقتباساتك وتصميمك شيء يحرمه الله ورسوله

بالنيابه عن العم حجي الهيفي وحسب الميانه التي بيني وبينه اقولك حياك الله والساعة المباركه وعليها بعد جزاك الله خير والله يرحم والديك

العم حجي من الناس النوادر السمحين ونعتبره مدرسه وانا مع فارق السن بيني وبينه اتواجد عنده يوميا واجالسه وفيه شبه كبير مع الوالد رحمه الله سواء بالطبع او الشكل لانه له صلة قرابه معه فلا اعتقد انه يمانع بل يسعده ذلك

بالمناسبه اغلب اهل الدوانيه عنده من قبيلة عنزة الطيبه ولاقصور بالجميع واشهرهم صديقي الخاص اكيد معروف عندكم والد اللاعب المشهور مساعد ندا الذي يوميا يتصل فيني وانا خارج البلاد للعلاج

اعتقد اني قرقت واجد ياخوي لاني بعيد عن الكويت صار لي 4 اشهر وقاعد اللحين لحالي والجو غيم ومنعش ودرجة الحرارة 15 ويبيلها شبة نار بس مايخلونك الالمان عندنا وقلت خلني اسولف معاك وانا اسف على التاخير