[الرفيق الموالي]

السلام عليكم ورحمة الله وبركاته
يالربع عندي قصص ويسعدني ان احكيها لكم مثل ماهي وبدون تنميق عبارات ولازياده ولانقصان
ارجو ان تحوز على اعجابكم

قصه حقيقيه يسولفها علينا عمي (من فمه الله يرحمه )

راح واحدن من عماني لديار الشمال ايام الهلك والقوم الحمراء اللي يسمونا الشيبان (ايام الجاهليه)
وانقطعت اخبارة حوالي ثلاث سنوات
قال ابوي لعمي الاخر خلنا نروح ندور على اخونا هذا اكيد صاير له مكروه
المهم وش اطول السالفه له ركبو اثنينهم على ذلولين وراحو للشمال وهم في الطريق اعترض طريقهم ثلاث رجاجيل قطاعين طرق اثنين كل واحد معه عصى والثالث معه بندق
وابوي وعمي مامعهم الا قناه
هذولاك طمعوا يوم ماشافو معهم سلاح قالولهم :
انزلو انزلو عن الركايب وزهابها والا ترانا نبي ناخذها بالقوه
قال عمي لراعي البندق تعال تعال خذ الناقه
قال لامانيب جاي انزل عنها واخذها
قال يارجال انت وش انت خايفن منه تعال خذ الناقه
والثنين الاخرين يتلفتون في بعضهم ويضحكون وعمي ذكي يبي يستدرج راعي الباروده المهم استحى راعي البندق من الموقف وراح لعمي يبي ياخذ الناقه ويوم قرب منه لمير ابوي والم بالقناه وهو يتساواله وهو يصمخه هاك الصمخه اللي خلت راسيه يثالث رجليه لمير البندق منسدحه خلافه يجيلها عشر امتار
وهو يلقطها عمي وهذولاك كل واحد يتلقى الخلاء
ويفكهم الله من شرهم
وهم يروحون في سبيلهم
عاد السالفه طويله بس هاذي زبدتها

الموضوع الأصلي: صـكـّه بــالــقــنـــاه | | الكاتب: الرفيق الموالي | | المصدر: شبكة بني عبس