ذكرى غلاي اللي بقلبي مقيمه
من قال لك بعهود الاحباب نساي
ذكرى معي غصن(ن) يداعب نسيمه
وعزاي بالذكرى قصيدي ومعناي
لاطاب نوم هل العقول السقيمه
جعلت كوعي باخر الليل مركاي
يامعلمه يصعب عليك أتعليمه
طبعي كذا طبع البدو ماعرف هاي
ولاعوم بمواج البحور العقيمه
بعمق بحر مركب نجاتي ومرساي
وقبح بحور الشعر بحر الظليمه
ماشرب منه لو راح عمري بلا ماي
الحر يفهم والبهيمه البهيمه
يالطيب الخوة منك نسمع الراي
وبعدالغياب اللي ملى الجو غيمه
رجعت في رحلة عذابي ومنفاي