قصيت لي تذكرة وحدة سياحيه ’’ ابتبع الـنفس ليـن احـقق ارضاها
اتعبت حالي على الروحات والجيه ’’ حتى الخطوط الحمر قمت اتعداها
قالوا تعديت الحدود الجنوبيه ’’ لو صحت بالصوت ماتسمعك بانداها
يافوح قلبي عليها فوح بـريـه ’’ بـرية قــام ابــن وســــام يصلاها
الشاعر الهاجري مابلعرب زيه ’’ اللي يراهن على الساحه ومعناها
من لابةً بالملاقى تنطح الهيّه ’’ بني قحطان العروبة تكرم الحاها
ياعنتر العبسي والافعال عبسيه ’’ شرفتني يوم عبس اذكر مزاياها
عبسي رشيدي ودولتنا سعوديه ’’ تحكم بحكم الشريعه لاعدمناها
ملكنا سـلـمان والارواح مهـديه ’’ حنا جنود الوطن والدار نحماها
في عاصفة الحزم والاهداف جويه ’’ هزت جبالً ماهو سهلً معداها
بسم السعودي مؤامرةً خليجيه ’’ رغم اشتراك الدول لو ماذكرناها
نرد بالـحق لاهـل احقوق شرعيه ’’ حنا دهات العرب ياللي تحداها
جـيوشـنا بالمعارك نـارها حيه ’’ الله يــاكــم مــن عــينً لـطـمـنـاها
يوم ان بحاح تحت اقامه جبريه ’’ وعلي عبدالله مع الحوثي وينخاها
كنا نتدرج بسـياسه دبـلوماسيه ’’ مضمونها بالرساله يوم نـقـراهـا
للشاعر : عبدالحكيم عبدالله المضيبري الرشيدي