الشّعر .. شعاّره أكثر من جماهيره
تشقلب الحال .. لين أنقلبت الآيه
مجال مفتوح لكن يـا الله الخيـره
أصبح هوايه لمن لا عنده هوايـه
نزل لسوق المصالح وأندهن سيره
مجلوب ما بين بيّاعـه وشرّايـه
كل ٍ يروده بعد كثـروا مشاهيـره
وسيلة ٍ من كشفها يعرف الغايـه
قام يتلاشى حـلاه وقـلّ تقديـره
من يوم شفت الدليله يتبع التايـه
لقيت مليون شاعر من هل الديـره
تدبي على جرّته مع كـلّ دبّايـه
خلوّه دوّيرة ٍ مـن فـوق دوّيـره
متى يهب الهوى وترفرف الرايـه