[الاجهر]

خاف اوادع وقتي اللي معك دام = واندم على شي هدمته بيديني


زود الهموم اللي علي تكفي عن إعدام = هذي حياتي بتنتهي وانتي تريني


حالي هزل والجسم ما تقواه الأقدام = واللي خفيته من أسى بين في عيني


ما ذقت من حبك سوى هجر والآم = صابر واقول إن كان به زودٍ عطيني


صدق العطاء حظي معك طاح ما قام = درب الهنا في دنيتي وينه وويني


عن صدق أحساسك ترا ما نيب علام = يا عمري خلي قلبك القاسي يليني


ودي انتهي بعمري معك مجنون بسقام = ولا يتم فراقكم يا نور عيني


وأن مت يأهلي لجلها ما نيب منلام = ذي قسمتي عيني ترى رسم بجبيني

الموضوع الأصلي: اخــــــــــــــــــــــاف | | الكاتب: الاجهر | | المصدر: شبكة بني عبس