ياماليه كل عرق ٍ من عروقـي حضـور
ياساكنه كل ضلع ٍ من ضلوعـي غـرام
ان كان ماصرت مختال ٍ بمثلـك فخـور
من غيرك اختال به وافخر واطول الغمام
لوان في الكون كله مثل ملمحك نـور
ما صار في الكون كله مثل قـدك قـوام
تبارك الله يـا اجمـل نسـاء العصـور
يا اكمل من البدر .. وابلغ من بلوغ المرام
مافيه مخلوق فوق الارض يرضي غـرور
جوارحي لو على الدنيا يطـول المقـام
يحييني الشوق في قربك ويمـلا الشعـور
واصارع العشق في بعدك واذوق الهيـام
وان مت يا قاتلتني فـي جميـع الامـور
عليك وحدك تشيـر اصابـع الاتهـام