[سعد الرشيدي]

الزين بالدنيا حضوض ومقاسيم
ناسآ عطاها الله وناسا حرمها
شيخة عرب تضوي على دفش وبهيم
ترفع مقاماته وحضه غنمها
تعيش بالدنيا سواة المعاديم
وسعادة العشره تموت بكفنها
احلامها اللي بالحياة اصبحت غيم
والزين والطيبة تردت قممها
لاجل العيال ولجل كثر المفاهيم
تكثر من امداحه وتهفي ذممها
وتلقى رجل وافي من اهل الملازيم
يطيح في نكبه خبيث نسمها
منشينها تنحاش حتى المعازيم
ومن الحريم اللي تسمى رممها
عايش حياته كلها بدون تنظيم
صامت ويتجرع مرارة طعمها
ياخذ من امراضه مخدر وتطعيم
ويسوقها سوق العجوز لغنمها
وكل العلاقه وضعها صار ترهيم
وحلمه بشيخه ربنا ماقسمها
يخط بالدنيا رسوم وتصاميم
ويجامل العالم ويدرى شيمها

شعر -- السفير

الموضوع الأصلي: شيخة عرب تلفي على دفش وبهيم | | الكاتب: سعد الرشيدي | | المصدر: شبكة بني عبس