[ذيبان الرشيدي]

	بسم الله الرحمن الرحيم اخواني الكرااام بالدواوين اسعد الله اوقاتكم بكل خيراً ومسره احببت ان اعرض لكم .. هاتين القصيدتين والتي احداهم من الاخ العزيز الشاعر : عطالله بن نشمي المهيمزي يسندها علي واحببت ان اعرضها .. لعل ان تنال على اعجابكم واليكم ماقاله الشاعر : عطالله نشمي فرقا وليفي يابو ناوي شطني = اليا ذكر بالقلب ياشين طاريه وانصى عزيز النفس بوضاح مني = عز الصديق وخاسراً من يعاديه رجلاً حكيم الرأي في حسب ظني = والطيب عنده عالياتٍ مبانيه واشكي عليك الي له القلب حني = الصاحب الي ود عيني تراعيه لا واهنيه عايشٍ في تهني = مرتاح قلبه صافي الوقت معطيه ماهو بمثلي هاجس الفكر وني = عزي لمن مثلي تذارف عباريه صبرت لين ايام صبري مضني = لين اندمر قلبي وبانت خوافيه جتك البيوت الي وفن ماقصرني = والهرج وافٍ واضحاً من معانيه وقد استقت له هذا الابيات حي العزيز الي بيوته لفني = من شاعراً عزت عليه بلاويه شاعر به هموم الليالي مضني = مرتاع قلبه سافياتٍ سوافيه يشكي فراق الي له القلب حني = الصاحب الي مبعداتٍ مداليه الا يابن نشمي اقضب الهرج عني = اسمع قصيدٍ محكماتٍ قوافيه بعض الوجع نلقاله طبٍ يمني = والبعض الاخر ماله طبٍ يداويه قبلك وانا الي صاحبي ممتحني = اقفى وخلا القلب يدرج مفاليه لاهو ذبح قلبي ولاهو رحمني = الله حسيبه مارحم قلب غاليه منه الحنايا والمشاعر توني = ياما شربنا من هماجه وحاليه لو يعترضلي دونه الفين جني = نذراً لابيع النفس واتبع خطاويه مير البلا عنه الليالي حدني = واقفيت كني من فقد شوف واليه جتك البيوت الي عن الخلق تغني = هرجٍ مقفى زاهياتٍ معانيه واقبل سلامي عد مالشاص حني = في ليلةٍ طالت علينا مسااريه وسلااااااااااااامتكم واربعييييييييييين عافية .. اخوكم ذ ي ب ا ن

الموضوع الأصلي: لو يعترضلي دونه الفين جني = نذراً لابيع النفس واتبع خطاويه | | الكاتب: ذيبان الرشيدي | | المصدر: شبكة بني عبس