[سعد بن عادي]

أسئل نجوم الليل ياليل وش وصار
خص النجوم اللي مغيب صدفها
ياليل خبرني عن الحى والدار
اصبحت مبعد والظروف تعرفها
انت الصديق اللي نباديك الاسرار
ماغيرك احد اسرارنا يكتشفها
تقبل وتجمعنا وتبقى لنا ستار
حتى تلحق كل نفس لهدفها
خيمة ستر تضفي على كل سمار
وينام مكفي الهموم بطرفها
ياليل لك عند اهل الحب مقدار
أهل النفوس اللي هواها عسفها
طيفك يذكر خاطري كل مادار
فرصة حياتي بس ما الله خلفها
تلعب بنا الدنيا على غير نختار
أمالنا ماها وحنا علفها
شعر / عيد معيض