16-10-2014, 09:59 PM
|
|
أقوال في نهـج النشامـا محاذيـر كتمانها خيرٍ مـن إخطـار عـذال
ضاقت بي الدنيا وقلـت التباشيـر
في روح من يبري لي الحال بالحال
جيته وكلي فيه أمـل دون تأخيـر
وخطاي عجله ما تراخت للأثقـال
قابلت من له في فـؤادي تصاويـر
يغار منها مـن توشّـح بالأمثـال
أبديت له جرحي من أسباب تشطير
و لسانه المعسول يستنـزف أقـوال
أقوال في نهـج النشامـا محاذيـر
كتمانها خيرٍ مـن إخطـار عـذال
في لحظةٍ غارت علـي المقاديـر
أسلمت نفسي في مكاتيب الأهـوال
أنساب بوحي في كفوف النواعيـر
حرّك سواكنها وأرى غيره أنهـال
يروي ظما حقده وبالغَـرف تبذيـر
ويشمّّت الأصحاب من شَربَة القـال
حتّـى تناولهـا عـدوّه عقاقـيـر
طبب بهـا قلبـه ونـاداه ياغـال
كبـده يبردهـا هبـوب التفاسيـر
وتفيـئ أفكـارة غـدوّة وآصـال
من ردّة أفعاله ظهـر كـل تبريـر
وأيقنت من حس الملامه بما طـال
مافاد عين الشـر لبـس المناظيـر
تبصر بما في القلب وتقول ما قـال
بالأمس أقصّر له طوال المشاويـر
واليوم أمد خطاي في دربه الضـال
يزرع وروده في دروبي مساميـر
والوجه معكـوسٍ بروحـه وإقبـال
عفويّـة الأخـلاق نيـل المغاييـر
سلّمت له مفتـاح سـرٍ بـه أقفـال
ما كل من خالف لملبوسه صغيـر
ولا كل رجـالٍ بثـوبٍ ودسمـال
ودي اقولّه لعترى الشمـس تكويـر
سبايب التعليـم مـن فكـر جهـال
لو للرخاء وفدٍ وجو لـه طوابيـر
وقت اللزوم انشده عن طيب الفـال
اللي مع الأشوار زبـن المغاويـر
لو كلمةٍ بالحق يرفـع بهـا آمـال
أجمل معاني الطيب سمح المعاذيـر
واقف أمام اسمه بتقديـر وإجـلال
أصدق مع الصادق وأروم المعايير
أرمي أعالي الصدق من زند الأفعال
عبرة خذاها مجبر بحظـه يسيـر
عقله لبيب وغايتـه راحـة البـال
كبوة محب النصح بأرض المشاهير
تكسّـرت منهـا عظـام التخيّـال
فيني حقايـق غيبتهـا الأساطيـر
صمتي حكاية بيت في صدر مـوال
راجعت ذاتي وأحسب الصمت تعبير
لكن بعيون الـورى نحـت تمثـال
الطيب نخل ويحجب العفو قطميـر
ثماره الإحسان وشموخـه اضـلال
كممـت فـاه النقـد بيـد التدابيـر
خوفي على قطع الصداقة بالأجيـال
دام الخطأ في صفحة الناس بيصير
دمحـت زلاتـه بعـز و تجمّـال
أبغى بها راحـة لنفسـي وتيسيـر
واشكره تعليمـي لمعنـى التعجّـال
ادري انْه بعيون الصِّبا سالم الزيـر
لكن ما هو كفو في عيـن رجـال
|