قصيده الشاعر ناصر سليمان في زواج محمد دعيع بن عطالله المظيبري
انا عن واجبي ياعزوتي مادور المعذار
ليامن الردي كثر عن الواجب معاذيره
وشعري مايجملني مع اهل العرف والشعار
اليا من بان في واجب عيال العم تقصيره
وانا يالربع والله ماجهلت ان الزمن دوار
ليا حدتني ضروف الزمن قلنى عسا خيره
لكن الصاحب اللي معدنه مثل الذهب مبار
نجيه وناصله لو ديرته ماهي لنا ديره
اجل وشلون لامنه دعاني مكرم الخطار
عزيز الساس وموفي حقوق الضيف والجيره
اجيله ماحسبت احساب للاشغال والمشوار
هذا واجب علي ولا عن المجوب تاخيره
واسوق من الجواهر ندرن من نادر الافكار
ليا فكر بها العاقل لاقاها فوق تفكيره
بهايدهش رفيع الذوق ويميز بها البيطار
ويعرف ثقلها راعي ضميرن ماضلم غيره
سلام الله على اهل الحفل واللي به من الحضار
اسوقه مثل سوق الكيف واحلا من حلا الشيره
وهلا يامرحبا بسما رجالن مشكاهم جار
وبسم اللي عن الماجوب ماصرر دنانيره
دعيع طيب الوقفه دعيع وافي الاشبار
ذرى جنب الرفيق عن الزمان وعن معاصيره
وعياله مثل مقالو حرارٍ من وكور احرار
قرومن بينهم مافيه لاحسدن ولا غيره
اقول ونعم فيهم كلهم واعيدها تكرار
واخص ابها عبيدالله دعيع طيب السيره