|
|
غيابك ارحم من معاذيرك شوي
وليد البشير الرشيدي
يا اللي بليت القلب وانحلت حالي
ترى الغلا مازال فقلوبنا حي
وردت حبك للقراح الزلالي
ورفيت بك عن لافح الشمس للفي
مرخص لجل خاطرك حالي ومالي
وعديت حبك واحدن من بني خي
ماني قليل جاه يا هملالي
ياكم بنتن تحلم بلمسة ايدي
لكن بليت القلب واشغلت بالي
وحالي من اسبابك ومن صدتك سي
لاتحسبني عقب فرقاك سالي
ضيقي على ماهو وحالي كما هي
انا اشهدني بعد فرقاك مالي
حيله على قلبٍ طواه الوله طي
ماعاد لغيابك وعذرك مجالي
غيابك ارحم من معاذيرك شوي
لاغاب وصلك والوفاء وش بقى لي
غير الوفاء والوصل ماابغى ولا شي
إما تبادلني وفاي وصالي
ولا تروح وترحم اللي بقى في
.
القصيده منشوره في عدد اليوم من صحيفة الرياض , للاطلاع :
http://www.alriyadh.com/959360
.
| توقيع رشيد |
Rule NO. 1 : Rshed Is always right Rule NO. 2 : If Rshed Is wrong see Rule NO. 1
|
|