نص للشاعر الأمير بدر بن عبدالمحسن :
000000000000000000000
يطري عليه الوله واطري على باله
يا مرحبا لا ضوى خلِّي على بابي
هجّيت حدب الضلوع ونوَّخ جماله
لأجله بكت دمعتي ولأجله ضحك نابي
وكل ما ضحك لي لمحت النور في آماله
والى تجهَّم سترت السقم بثيابي
وكل ما شكى من عنى همّه وغرباله
أقول لعل به جرحٍ من أسبابي
طال الحكي ما لقيت الوصل بوصاله
لاني حبيبه ولا هو أقرب أصحابي
ناديت طاري المحبه ما لنا وما له
بالحيل أنا وإنت ربع وكننا أغرابي
يا زين كانك حزين فحالتي حاله
بكفيك همِّك وأنا بصبر على ما بي
لو الشجر له نصيب في بارد ظلاله
ما حَرَّق القيض جفني وانت فـ أهدابي..!