اسمحولي انني كررتها مرة أخرى حيث ان الأولى فيها أخطأ وعدلتها شاكراً لكم وتقبلو تحياتي
لبارحة كني علـى واهـج النـار=القلب دكتبـه جميـع الهواجيـس
العين طار النوم عن موقهـا طـار=القلب صاحي في جميع التحاسيـس
شغلت فكري في دواليـب الأفكـار=وأشغلت مع فكري جميع الحواسيس
قمت التمثل فـي تماثيـل الأشعـار=كتبت شعري في صخيف القراطيس
بالصاحب اللي بدل الـدار فـي دار=أبعد على اللـي يبعد(ن)المراميـس
وتقطعت من دونهـم كـل الاخبـار=أناشهدأنه ضـاع زيـن الملابيـس
خلي كما ريم(ن)ربى وسط الاقفـار=في مرتع(ن)مأحد(ن)نزل به ولاديس
عـزالله أنـه للعشاشيـق سحـار=يسحر بنظرات العيون النواعيـس
أبو نهودن بالصدر توهـا صغـار=والعود تلعبـه هبـوب النسانيـس
ابو جديل(ن)فـوق الامتـان نثـار=ماشفت شكله في جميع التجانيـس
العين عين اللي على كـف صقـار=حر(ن)عديم يفرس الصيد تفريـس
أبعد حبيبي وأبعـدت فيـه الاقـدار=من بعدها كثرت عليٌ الوساويس
أرسلت لي ناس(ن)ادوٌر بالاقطـار=كل الدول وتمـر لنـدن وباريـس
وأرسلت لي ناس(ن)ادوٌر بالأبحـار=ناس(ن)ضواري للسباحة غواطيس
وأرسلت مرسال(ن)مع الجو طيـار=متفرس(ن)بطيارت الجـو تفريـس
يمكن يحصل صاحبي للقمـر جـار=وإلا الثريـاء والنجـوم المقابيـس
وأرسلت لي ناس(ن) مع البدو دوٌار=فوق الجموس مبعدات المناطيـس
وتفرقو ولكل فـي وجهتـه سـار=كلن يقول ألقاه والصاغـر إبليـس
قعدت أنا عقب العواسيـس محتـار=أقول تاتـي بالعلـوم العواسيـس
تاتي بعلم اللي لـه القلـب منـدار=اللي عليه غصون قلبـي ميابيـس
أنا أشهد(ن) صويحبي بالهوا جـار=صرنا كما ليلى ومعشوقهـا قيـس
عادو مداويري وعمسن الأبصـار=البعض منهـم عودولـي مفاليـس
إلاٌ مـن البـدوان جابولـي أذكـار=جاب الخبرعنها خبير الجواسيس
قلت أعطني تفصيل عن كل ماصار=درسني الموضوع يالقـرم تدريـس
قال العلوم أخـذت بالبـر مشـوار=حصلت خلك مع عـذارىً مجاليـس
خلك لقيت أهله هل العـز والكـار=يسكن بديـرة كاسبيـن النواميـس
بنت الشيوخ مطوعت كـل جبـار=أولادعبس اللي على الخيل فريـس
اللي لهم بالطيب صيت(ن)وتذكـار=أهل الكرم والجود ناس(ن)فواريس
بني رشيدالياعتلو فـوق الامهـار=يوم اللقـا عدوهـم باللقـا ديـس
ربعي مغن الطيب وافيـن الاشبـار=ارجال عبس محٌرقيـن المحاميـس
إلآٌبة اللي تكرم الضيـف والجـار=بالحرب سيف وبالكرم ترخي الكيس
وكل القبايل بالشجاعة لها الـدوار=الطيب موجود(ن)بكـل التجانيـس
جاني خبرها مع صليبين الاشـوار=أمسيت مايطري عليـه وساويـس
تمت وصلى الله علـى سيدالابـرار=إعداد ماهبـت هبـوب النسانيـس