يابير طيك طي واعماقك عتيم
ظلامك الممتد لحدود السما
خلاني ادخل في تفاصيلك واهيم
وآرد على جمتك لومابي ظما
آرد لو انك مامعك قلبٍ رحيم
للي نسى نفسه بحظنك وارتمى
ماانت غريم اللي يدور له غريم
انت مجرد بير معدومة حمى
الحزن له مده على اطلالك مقيم
يشرب من اوجاعك وبوجاعك نما
نبكي لمى ودموعنا همال ديم
ياجعل عيناً مابكتها بالعمى
فراقها فجعه وطعنه في الصميم
بعض الجروح احيان ماتنزف دما
من صوتها المبحوح للجرح الاليم
يرجع صدى اللوعات وقفات اكرما
كريم ياذا الجرح مامثلك كريم
كنك تواسينا على فرقا لمى
اللي عطتنا الحزن والغبن العظيم
وأخذت براءتها في جلباب اعطمى
راحت وموعدنا بجنات النعيم
تشفع لمن دمعه لفرقاها هما
يالله تصبروالديها يارحيم
وافتح لها ياربي أبواب السما