مال النظر دمعة ولا للقلم حِبر
مشاعراً جفّت وبْعده سببها
والخاطر المكسور يوم اجبره جبر
نار تلظّى والمحاني حطبها
من واقع ايامي وانا اقول واخْبر
البعُد جرعة مر للي شربها
وانا نهار البُعد قمت اشبره شبر
على ضميري بين اخذها وجبها
الصدر ضايق والصبر مابقى صبر
والنفس روتين التوجد عطبها
ياصدري الضايق ترا الضيق فالقبر
لملم جروحك والهموم اجتنبها
والا الفراق امر مراً من الصْبر
كم من غريمٍ دمعته في هدبها
وياسعود شفت العشق واسنينه الغبر
اثر على روحي وزوّد نشبها