[مفارق حائل]

[align=center][tabletext="width:70%;background-image:url('http://www.rw-h.net/rw//uploads/images/rw-h3044175c9f.gif');"][cell="filter:;"][align=center]لا تلبسين الخوف وانتي شجاعه
لو المواقف بعض الأحيان تنهاب
ولا تنثرين الدمع يتم وضياعه
مادام لك عزوة بني عم واقراب
خلي الأمل يبرق بعينك شعاعه
والنور باقي بالسما ما بعد غاب
جرحك بخيط الصبر داوي اتساعه
وجرح العدو دمه على الذل ينساب
يا ذل من يبغيك مثل البضاعه
انا اشهد انه خاب ثم خاب ثم خاب
شموخك اكبر من شديد اندفاعه
ما يشتري ثوبك ولو جاب ما جاب
وياعز من حطك بعينه وداعه
بر بيمينه يوم اقسم على كتاب
وش عاد لو خانت طموحه ذراعه
كنتي معه لآخر رمق عنك ماتاب
من قال يشهد لك زحل بارتفاعه
لا تحسبينه قول من واقع اعجاب
مع الشهاده اعلن اسمك وذاعه
يعني اصبري باكر لنا ينفتح باب
ايماننا بحكم القدر فيه طاعه
والله امرنا نتبع كل الأسباب
حنّا معك يابنت ساعه بساعه
قد قلت لك ملح الغلا ما بعد ذاب
الراس وشوش من تزايد صداعه
لا تحسبين النوم بعدك لنا طاب [/align][/cell][/tabletext][/align]

الموضوع الأصلي: كنتي معه لآخر رمق عنك ماتاب | | الكاتب: مفارق حائل | | المصدر: شبكة بني عبس