[الشاطئ المهجور]

ماكنت اسولف للضمـا غيـر عـن مـاك
حتى عطش قلبـي غـلا / مـا لقيتـك . !

وينك ..؟ نشف دمي علـى نَـوْ رجـواك
عنـي تغيـب .. ويبعـث الغيـم صيتـك

رميـت قلبـي بيـن .. مغلـق حنـايـاك
ياللأسـف تنسـاه ..! لا .. مـا هقيـتـك

اذْكرْكْ جيت .. وضمـك القلـب وادْفـاك
قـال استريـح افـداك .. والبيـت بيتـك

ما كنت اصدق بك هجر .. انت وش جاك ؟
شح المطر .. ما بيـن علٌٌـك .. وليتـك ..

تعبت غربـة روح .. والوصـل يضمـاك
المس الم / اشـرب وهـم / مـا ارتويتـك

دوزنت قافـي عشـق .. والجـرح غنٌـاك
اشعلت لـك صـدري قصايـد .. وجيتـك

سافرت فـي حبـك .. مـدارات الأفـلاك
أخـذت مـن روح السحـاب .. وعطيتـك

سلٌمـت لـك كلـي .. مشاعـر بيمـنـاك
ازرع أمـل .. دربٍ علـيـه احتريـتـك

ليتـك تحـس .. بلهفـة الشـوق تنخـاك
ترجي عطا غيثـك .. ووبْلـك .. فديتـك

الموضوع الأصلي: ماكنت اسولف للضمـا غيـر عـن مـاك | | الكاتب: الشاطئ المهجور | | المصدر: شبكة بني عبس