[ذيبان الرشيدي]

.
.
.
بعد السلام ..
أبدأ بنظم الكلام ..
و ترتيبه و رصفه .. و إعرابه و صرفه ..
.
.
بعد إنقطاعٍ طويل ..
يعلم الله ..
أنها إرتجالية محضه ..
.
.

لا صار عيدك على فرقاي =ب لله .. وخّر و فارقني
أفرح بعيدك على مشكاي = لا لا .. تحاول تجاملني
و أقبل سلامي مع فحواي= و الله وليي و يرحمني

.
القصيدة
.

يا هيه .. وقف جعل ربي يعافيك = من علّمك .. تدخل حياتي و تجفى
من علـمك تصفق فؤادي بأياديك = و تقول لي .. دوّر مـع الغـير منـفى
تدري .. هويتك و أسهرتـني ليالـيك = و أشياءِ .. بصـدري بِلا شـك تخفى
لا تقوللي فارق عسى الله يشافيك = الموت عقبك يا أبيض الوجه مشفى
لا تبتعد .. عني و تلبّس غطاويك = و أرحم .. حزن نفسٍ من الوقت جلفا
نفسٍ.. توطاها الحزن والشرابيك = شتت .. بقايـاها صـدودك و كـفى
ما دوّرت .. بعدك هذولا و ذوليك =وأستانست .. ما بين وضحه و وطفى
لا من تطرّت .. ما مضى من طواريك =عـيّت .. نواظرها من الضيق تغـفى
ترّقب .. سناء وجهك و تتبع خطاويك= و تدّوج لأجلك .. كل ديره و مرفى
ما ضكها .. ياكود ساعة تجـافيك = يومك .. جعلت الصد مـزّبن و ملـفى
يا صاحبٍ .. هجس الرشيدي تناديك =و أرسل .. مناديبه و روّح و قفى
زحزح .. كدر نفسي عسى الله يعافيك = تكفى .. طلبتك ترحم النفس تكفى

.
.
كل عامٍ وأنتم بخير
.
.

الموضوع الأصلي: زحزح كدر نفسي عسى الله يعافيك ... تكفى طلبتك ترحم النفس تكفى ..! | | الكاتب: ذيبان الرشيدي | | المصدر: شبكة بني عبس