ياهاجسى ماعاد به مقعاد واقدح يازناد
من لابنى بيته على سيسان كنه مابنى
أما تدافع دون دين الله وملة خير هاد
ولانقول اش عاد نبغى فيك واش تبغى بنا
الله من حزن مسوى فى ملامحنا سواد
والله من هم برك بصدورنا وانتابنا
ستين عام القدس مستأسر وثانيه القياد
مافيه يوم والسديس بداخله صلى ببنا
واذا تركنا دولة النهرين يرعاها الجراد
صارت ولايه فارسيه وانكسر مشعابنا
واليوم شوف العين شفنا سوريه كومة رماد
والله موصينا بنصرتهم بنص كتابنا
أمة محمد قطعوها بالمراهيف الحداد
إن المصاب أمر جلل وش صابنا وش صابنا
يامسلمين اصحوا ترى مايصنع المجد الرقاد
بيض الوسايد ماتطول روسنا ورقابنا
وشلون نرضى بالمذله والاهانه والفساد
ويدنسون المحصنات ويذبحوا شيابنا
وليا متى نصبر على شيخ المجوس احمد نجاد
ماباقى الا يستفزون المجوس أعصابنا
وليا متى بشار يطحن فى البلاد وف العباد
ويقول حزب اللات صار اليوم ضمن احزابنا
ويقول دولة روسيا دوله عليها الاعتماد
واصحابكم مايقدرون ينافسون اصحابنا
طشوا قناع الخوف والجنه تنسنس بالبراد
حنا العرب ركازة الحربه على حرابنا
والروس ماهم كفو لاصار التحدى والعناد
مازعزع السوفيت غير اشبالنا طلابنا
والله لنصل عقر دار الخصم فى نفس البلاد
ونذكره بالماضى اللى سطروه احبابنا
خلى السلاح النووى خل العساكر والعتاد
يقصف بها بيبان داره ثم يسلم بابنا
مافيه خطه عسكريه فيه مسراح وهجاد
خلوه بكره ينشد اركان الجيوش اش جابنا
هو مايعرف انا نحب الموت ونحب الجهاد
والامنيات انا نطب قبورنا بثيابنا
ياخادم البيتين تكفى يامنادى القوم ناد
والله اكبر تخزى الشيطان لين يهابنا
معك العيال اللى تشابه للصقور مع الهداد
ماتعدل الكفه وميزان الحروب الا بنا
وابشر بعزك ياملكنا ياوريث اهل الشداد
مطلوب منك الامر والباقى بروس اشنابنا
والحمد لله مابنا قاصر ولاضعف اقتصاد
ويغطى البترول روس جبالنا وترابنا