تغَطْىَ الجرح بلحافك صرخ يانواااف بشكي لك
غفى جرحي وقلت أصحى يجوز المحَكْ واجي لك
مدام الجرح بي نايم .. طلبتك قول وش جالك
سؤالٍ حيّر الضحكة بعيني شفني ابكي لك
وأنا صعبٍ عليّ ابكي لغير اطياف ترحالك
تغَطْىَ الجرح بلحافك صرخ يانواااف بشكي لك
تعبت أزيّف افراحي أقول إن القهر هالك
تعبت ارقص على جروحي ولك طيري يغني لك
يزيّف لك شعوري بك يموت بلحظة اهمالك
ياعمرٍ كان يعنيلي كثير أشياء وأعني لك
عﻼمك ترتحل عنّي بعد ماكنت لك حالك*
أنا اذكر كنت لك أسهر يسامرني عَتَمْ ليلك
يحاكيني وش تسوي إلى من غبت عن بالك
تتوه بخَطْوتِكْ حاير تناديني وأنادي لك
تَشَكّى غيبتي عنّك وانا أشكي بُعد منزالك
تقول اني نبض قلبك بدوني موتك ايشيلك
واسَمّي يابعد نبضي عسى موتي قبل فالك
أبعرف ليش متغيّر تنفّضني مناديلك
وأنا اللي فيك مَ أصدق كﻼم وزور عذالك
انا جيتك بعد مانام جرحٍ كان يضوي لك
ابسأل بس وش ذنبي وانا اللي ﻻبسه شالك
ألملم دمعتك وأضيق إلى من ضاق بك حيلك
ويفرح بك غﻼ قلبي اذا هو مهتني بالك
تعال وشيلني منّي تَعبت امشيك وامشي لك
تعال وهدهد أشواقي وخذني عَتّم ظﻼلك
ذبلت ومابقى فيني سوى همسات شوقي لك
ابغفى دامها ملّت تنادي جيّته