السلام عليكم ورحمة الله وبركاته
هذه ابيات وصلتني من ابو صوط على الوت سب
يقول
[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حرام ماتوخذ حقوقي على الفاضي=المجتهد مايصير يضيع مجهوده
اما تعيد النضر ياحضرة القاضي=والا رحلنا عن الديره بلا عوده
واجد عدود الروى واقلط حياضي=يومنها جت من الاصحاب مقصوده
[/poem]
رديت عليه اقول
[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جاتك على ماتبيها ياخو عياضي=مغلفه في عبير العود ووروده
ولا تستغليتها يالحاضر الماضي=حطيت راسك براس العود وزيوده هههه
طاوعت شلتك ابو راغب وابو راضي=خلوك يالصوط عند المجتمع شوده
[/poem]
والقصيده الثانيه يقول فيها
[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اسعد الله صباحك يابو صالح بخير=عد ماتشرق الشمس ويبين الصباح
يارفيق العمر يوم العرب والبعير=يوم الايام صعبه والنوايا صحاح
فيك ميزه عن الاصحاب والطبع غير=بالوفا والصراحه لابسلك وشاح
وفيك ميزه صغيره كبر حبة شعير=مثل ريشه ثقيله بين ريش الجناح
لانطحك الهوى متساعدك للمطير=ودك اتصد ماتنطح هبوب الرياح
ويش عذرك لعنتر وابو صوط الامير=وابو فايز وخاتم ريس الانفتاح
ومدار وفلك وشلاش للحرب زير=وعايد الفين والبيطار راع الرماح
وبن عجوين وسعود ابو موسى الخطير=وكاتب وكايد الشعار سمن ذحاح
وغيرهم لانشدت اعطيك سفن شطير=وش مقعدك مع قوماً بليا سلاح
جاوب وعطني علومك بجدول مسير=مانبي يالمعزب غير جابة صلاح
انت شاعر وتعنيني وتعنى الكثير=مابقى الانت وحدك ماتحقق نجاح
[/poem]
رديت عليه ابو صوط هذا ماهو سهل
[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مرحبا ياخوي المدهنه والمضير=بالليال الغنيه والليال الشحاح
احتسيتك سلاحاً بالنهار الكبير=يوم يطلع مع الشدات دور السلاح
ماحسبنه عليك يهج صوت الصفير=كيف لاثار عج المعركه والصياح
بين حنة بعير المعرفه والهدير=مدة الجودمع صيد الصقور المباح
شنة الشاوي الي تحت جال الغدير=مانضح من لهيب القيض ماها القراح
غرزة المخيط الي فيه سلك الحرير=(الصباحي رشيدي والرشيدي صباح)
مانلوم العذول الي خذيته شوير=يوم خليتله يمك طريقه متاح
شرهتي تلحق الي قلتهم يالامير=كان وصلتهم مسعاي قبل المراح
يابو سامي ترا عمر المجامل قصير=ماكسب من يجامل في حياته فلاح
والا انا بشرك مرتاح منها الضمير=يابو صوط المعزب من ماقلت استراح
[/poem]
وسلامتكم
كما ارجو من المسؤلين في هذه الشبكه عودة النضر في ابو صوط ورفاقه
لانهم من خيرة الرجال ولهم دور كبير في هذا الموقع لن ينسى
تقبلو تحيات اخوكم المعزب