[عايض الشويلعي]

اللي حداني في زماني حداني
ياقو صبري بزمن ماتحـــديت
والله ماانسى اللي بسهمه رماني
اللي براس النايفه يوم عــديت
ياقو صبري يوم شان الزماني
ماودي اذكر سيرته كل ماجيت
خلاني ارجع من طمان ابطماني
بالله ياهذا الزمن ويش خلـــيت
حطم كياني ثم حطم كياني
موقف حصل لي ليتني ماتعليت
بعض مواقف تحرجك في ثواني
تطعنك في ظهرك لو انك تصديت
يااهل المعاني فسروا بالمعاني
خلوا معانيها على ماتــــمنــيت
اللي بغيته راح ماضي وكاني
ياماء على فرقاه بدمــع هليــــــت
من عقب ماني بالرسن والعناني
ليت الرسن بيدي ياليــت ياليـــت
اما تروح بطيب والا امتحاني
والا تخليــــــها كما هـــدت البــيت
حسيت في ناره بعد ماكواني
جمرة غضا من نــــارها ماتعافيت
اللي شقا قلبي عليه ابتلاني
مايدري ان الله وراء الحي والميت
واختامها صلوا ترا العمر فاني
على شفيع الخلق لا قمت صــليت


من قصايدي عايض بن حمدي

الموضوع الأصلي: اللي حداني في زماني حداني.... | | الكاتب: عايض الشويلعي | | المصدر: شبكة بني عبس