[حردان السحلي]

اقتباس من مشاركة البرمكي حرك شجوني طيب عنتر زمانه= وسلوبه اللي يعجبك لاقريته وعقب الزعل يمه بقلبي ليانه= وكل الزعل من شفت رده محيته واما ابوتركي يشكرك للا مانه= ذكرك بعد جيته ابيته لقيته يقول عنتر يستحق الحصانه= هذا الكلام اللي سمعته حكيته

يامفتعل طاروق باب الميانه=باب الميانه مع رفيقي نسيته
عنتر زمانه من رجالٍ تكانه=العرف فيه اكثر من اللي لقيته
الطيب طبعه والمروه مكانه=والجود سلمه والكرم ساس بيته
مالي ورى مدحي مقاصد ذهانه=ورجاي في رحمة كريمٍ رجيته
للمعرفه لاهل الوفاء للامانه=مابعت في سوقٍ رخيص وشريته
مابه ردي الا ردي الديانه=ولابه قضيف الا قضيفٍ بنيته
والطيب اهل الطيب حسبة اخوانه=هذا هو اللي شفت فيك وقريته