[ضوء]

.


..
لو تخيّلت أن (الأيام) شلة أصدقآ
ومتقاطين في إستراحة أو شقة


كان أحس ان يوم الثلاثاء طيّب وهادي وساكت مايتكلم
يجي وقت المغرب ويروح بعد صلاة العشآآآ

وأحس يوم الأربعاء دب عاقل وفاهم يحب يتابع الأفلام
دايم مبدّل مايلبس شماغ ولايكشخ الا وقت الأختبارات
كل الأيام تثق فيه لدرجة أنه هو اللي ماسك القطة

ويوم الخميس أحسه ولد رهيب أبوه معروف لأن وظيفته (سفير الأيام)
لكن ماودك تعلمه لأي سر من أسرارك لأنه فضيحة ...

والجمعة أحسه شين عند الزعل ويازينه أذا أبتسم
وهو اللي يصلي بالأيام أذا جآآآ وقت الصلاة

ويوم السبت أحسه طووووويل وأبيضاني بزيادة
وكل شيء يعرفه / وكل سالفة تقولها له يقول صارت لي
أذا جاكم أخوك الكبير بالاستراحة : ماودك يقابله
أحسن مافيه انه لابس نظارة طبية



ويوم الاثنين أحسه ولد عم الخميس القايم لكنه مهايطي أبوهـ أمير وهو هطفة
عايلتهم معروفة لو أن مالهم تاريخ لكن يكفي أن الرسول عليه الصلاة والسلام
مولود عندهم وذكرهم في حديثه ...























أوووف بغيت أنسى يوم الأحد ... أحسه أصغرهم
دايم كاشخ على الفاضي ولو يغيب مايفقدهـ أحد