[عبدالله عوجان]

((سلامة الغالين))

[poem=font="arial,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحمد للمعبود بالزين والشين=على سلامتنا اللي الله كتبها
أنا وبنتي ووْلدي وأريش العين=اللي الحياة بدونهم ما احسبها
ناظرت بأحبابي وأنا بين نارين=والنار في جوفي تزايد لهبها
أشوف نار الحزن والهجر والبين=وْنار الجروح اللي ضلوعي حطبها
كني بغيبوبة من يسار ويمين=أحيان تغلبني ونوب آغلبها
قضبت (نورة) هي و(نايف) باليدين=وْ(وردة حياتي) قلبي اللي قضبها
وْحملتهم وأنا أحمل الجرح جرحين=يمّ العيادة والجروح بعطبها
والحمد لله كلّبونا سليمين=نعمة من الله والله اللي وهبها
سلامة الغالين تسوى الملايين=وْتسوى جميع كنوز االارض وْذهبها
يالله عسى ماصار ياحامي الدين=من الحوادث والمصايب سببها
تطهير لذنوبٍ لها سنين وسنين=ذنوبي اللي بالعمر مرتكبها
[/poem]عبدالله عوجان

الموضوع الأصلي: سلامة الغالين بفضل الواحد المعين (آخر ماكتبت) | | الكاتب: عبدالله عوجان | | المصدر: شبكة بني عبس