[سعد بن عادي]

من هجوس تغنى عن بعض الهجوس
يعلم الله كنها اللول يوم نصبها


كنها سرايه البرق لي قامت تهوس
من يقول الله عليها نقول ابشر بها


القصايد ما نساوم عليها بالفلوس
تفتخر فينا القصايد قبل تفخر بها


من خلقنا الله وحنا عزيزين النفوس
ما نوطي شمخ الروس غير لربها


ما ردينا والليالى لها وجه عبوس
خل يوم ان الليالى سميح دربها


لي جهرنا بالمثايل ندوس الراي دوس
والدسايس بارد العين ما يجهر بها


ما نشدنا عن دنوع على الجره يحوس
يحسب انه صار حاجه وهو من جنبها


قدرنا عند النشامى مجرب ومحسوس
الرجال اللى على الدين ما نبخل بها


التجارب علمتنا .... وصمينا الدروس
تعرف النفس المريضه ونعرف طبها


ينطفى سم الحيايا وهو تحت الضروس
يالله انك تختصرها على من شبها


البنادم لا تعافى على كفه يبوس
وش يبى باعراض الاجواد يوم يسبها


لا يحسب ان المراجل تجى درباى روس
ينتبه من جمرة النار لا يلعب بها