اذا شاورت لا تعطي واذا اعطيت الصحيـح العكـس
عطانيهـا الزمـن حكمـة مقابـل جرحـي الدامـي
اذا شفت الغبي يعطـي صفـوف الاذكيـاء الـدرس
اكون اذكى غبي واغبى ذكي في عصـر الاوهامـي
يضيق الجسم با الا حلام والسبـة طمـوح النفـس
وانا جسمي تعب يرضي طمـوح النفـس واحلامـي
حكمت الروم قبل امس ووصلت امس وحكمت الفرس
ونام امس وغفى قبل امس (يا عيون الامل نامـي)
يجي يومي مثل امس ويجي بكره مثـل قبـل امـس
ولا به فـرق واحـد فـي ملامـح وجـه الايامـي
من اول للنـدم سكـه وطـاري والاصابـع خمـس
وذلحين الاصابع اربعه ( وين انت يـا ابهامـي؟!!)
يمر العمر وتمـوت الامانـي فـا الشفـاه الخـرس
ويبقى المجد من حـظ الـورق والحبـر واقلامـي
بامكاني اصير برنـس لـو ابغـى اصيـر برنـس
ولكـن الثمـن باهـظ لــو الالـقـاب قـدامـي
صدق من قال عندك فلس عند الناس تسوى فلـس
كذب مـن قـال فكـرك يرفعـك للمركـز السامـي
ومن قال القمر نوره يعوض عـن شعـاع الشمـس
اقول انه كذب واحلـف ولـو صلـى ولـو صامـي