بعض البشر لامن حشمته طمع فيك
وبعض البشر لامن جفيته يودك
وبعض البشر يتعب على شان يرضيك
واغلى من اخوانه بقلبه يعـــــدك
وياصاحبي هالحين بانت خوافيك
علقتني مابين مزحـك وجـدك
وش جاك مني ياعشيري وانا اخوك
قبل امس انا صاحبك واليوم ندّك
لاضاق صدري من عنا الوقت انا اجيك
واشوف دمعات الغلا فوق خدك
والحين تظلمني وانا منك وفيك
بكل احترام اقول ياخوي حدك
ثمن كلامك ياعسى الله يهديك
لاصار ماي الوجه يعجز يردك
ثوب الردى ياصاحبي مايقديك
الثوب ماهوب لك ولا القد قدك
وانا خلاص اليوم والله مابيك
النفس طابت سو ماهو بودك
الطعنه اللي من ورى الظهر تنهيك
وشلون لاجاتك من اللي يودك
لاواهني يوم انا اموت بييديك
ذابح وتبكي من ذبحته بيدك
منقول