المشكله من فينا وسببها السكوت المستمر وعدم الطلبات .
انا احد منسوبي الوزاره وأعرف الكثير الكثير عن الوزاره وسياستها .
الوزاره تبي ناس تطلب وترفع معاريض وشكاوي على كذا يطلعون يجيبون اللي تبي .
حنا مانطلب ولا نراجع ولانسوي شيء مره ونبي كل شيء متوفر عندنا ههههههه
انا كنت قبل فتره بالافلاج وفيه قريه تبعد عن الافلاج 25 كيلوا فيها مركز صحي وجميع الخدمات موجوده من أشعه ومختبر ودكتور إسنان ودكتور عام ودكتورة نساء وغير كذا مطالبين بمستشفى مقدمين معروض وموقعين جميع أهل القريه ومرفق مع المعروض ودخل عمدة الحي على الوزير ومعطيه موعد بالميزانيه المقبله بإنشاء مستشفى لهم .
وأغلب القرى يوجد بها مركز صحي الا القرى الجنوبيه ذي معدومه بالكامل والسبه من أهلها .
لابد من رفع طلب وموقعين عليه جميع أهل القريه إن شاء الله عددهم مليون أهم شيء يكثر العدد ويتقدم به شخص ملوسن يعني يتكلم بالمعقول ولديه ثقافه على مدير الشؤون الصحيه بجميع النواقص على المركز وسوف يطلع بنتيجه .
إما غير كذا كبروا مخدتكم ههههه
وإن مافاد يرفع شكوى للوزير بأحد الجرايد ويكون فيه تصوير للمركز والنواقص .