بسم الله الرحمن الرحيم
بتاريخ 1/10/1433 هـ
قصيدة ترحيبية المعبرة في حفل زواج المكرم صالح ولد الشيخ مهيدل بن هدمل بن نويصر بن سعدون المظيبري راعي الناصرية وفقه الله هكذا والشعريه مهداه على مهيدل أبو يوسف لحيث الشيخ الشاعر موسى بن سرور بن بزاع ابن بدوي المظيبري راعي الناصفة في أبان الأحمر بمنطقة القصيم قال هذه القصيدة رقم 71 من عدد 58 بيت من الشعر لحيث قال :
مرحبا في حفل قرمن دعانـي بالحضـور=دعوتـه عنـدي ثمينـه وانـا لبيتـهـا
طعت لامره وان تعـذرت مانـي بمعـذور=فرصتي حانـت وزيـن اللحـون أبديتهـا
بسم ابن زحزيح جبت المثايل من بحـور=تهنيـه بالعيـد وامناسـبـه خصيتـهـا
بابو يوسف نعم يستاهل الشبـل الجسـور=ساحة النظم الـك يـا مسنـدي طبيتهـا
في رضا ريف المجاور زما شعري يفـور=وادفعه في بطل نفسه عسـاي أرضيتهـا
رجل تامن في جنابه ولـد ثوبـه طهـور=من فخر ترثـت رجالـن يسـرك صيتهـا
حنبلي من عرض من صام واعجل بالفطور=نصف قرن أعوام ما فيه نـاس اوذيتهـا
شيخ شامخ في مجاله وانا موسى سـرور=مذهبـه والسنـه اللـي عبـد سنيتـهـا
عاصمه ربي عن العيب والقـول الفجـور=والمناقيـد المشينـه عـنـك زكيتـهـا
لك حقوقاً من قديمه علينـا مـن شهـور=والخلاف أمن الزمـن عاقنـي والغيتهـا
بارك الله في زفافن جمعنـا مـع صقـور=والجميلـه للمشبـب علـيـه أهديتـهـا
في رموز أهل الشهامه بداء فكـري يـدور=للفهـود أعلنـت والهـا الخبـر وديتهـا
ما علينا من حسود المنافـق مـا يثـور=نيتـي بيضـاء لوجـه السفيـر أنويتهـا
ما نريد الـزور والظلـم يدفـن بالقبـور=والبخيل العفـن يمنـاي عنـه أرخيتهـا
لو ملك كثر الملايين فـي عميـاء دبـور=عيشتي والنفس عن مـال لاش أغنيتهـا
مؤمنـن بالله رازق عـبـاده والطـيـور=بالبحـر والبـر خلقـه بـرزق إيقيتهـا
حالة الدنيا تقلـب تبـاء درعـاً صبـور=عشرة الشيخـان لـو موتوهـا أحييتهـا
قمت أجددها مـؤارخ صحافـي بالنشـور=والنشاما فـي علـوم الشـرف عميتهـا
ما تضيع أشعار عنتر على طـول الدهـور=ورث لاسره دمهـا مـن هلـي ظميتهـا
حافضيـن أداب أهلنـا حلفنـا بالـنـذور=عهد أمانه مع شيوخـاً حلـوف أبقيتهـا
خذ من القائل تسمع مساء الليلـه فخـور=عقب كيف القهـوه اللـي لنـا صبيتهـا
من فوارس عبس منته عن الطيب أمغرور=والعقلاقـه وضـع جيـد معـي مديتهـا
جبتها بخطـاك زيـزوم تمشـي بالعبـور=حيث وصـل اكتـاب واخطابهـا حييتهـا
لن مصدرها بعيـد الهقـاوي مـا يبـور=قوتـي واسـراب خيلـي وراك أحفيتهـا
في لهيب القيض منشان وافيـن الشبـور=ما رقدت النوم ليـن استـوت وانهيتهـا
بالسعد قامـت وابشـرك بالمعنـا بهـور=وانظر انظر من جواهـر ذهـب صفيتهـا
ناصل اللي مثـل شـرواك ناتيلـه نـزور=رحلتـي لجـل احترامـي لكـم عنيتهـا
في زواج أبنك نشارك فرح بهجة صـدور=والقريحه فـي معـزب عريـب القيتهـا
ما ذخرنا عنك ياحـر فـي عالـي وكـور=جيـتـك قدرتـهـا والـذمـم بريتـهـا
يا مهيدل يا بن عمي نقلت الـك الشعـور=يـا عقيـد القريـه أم الشيـم لاجيتـهـا
التهي عندك على الجود والثانـي باخـور=شهرتـك فـوق النجـوم العـلا حطيتهـا
نلت تاج المجـد عنـوان لطولـه غيـور=الرجوله وانـت عمـرك صغيـر أعليتهـا
والبلد بالناصريه علـى سـاس أمعمـور=والقصور اللي تهلـي بضيـف أنشيتهـا
من يشكك في كلامـي يجـي داره مـرور=سيـد راع البلـده اللـي بهـا مريتـهـا
تدرك الحسنات والكم مع العليـاء ظهـور=ربعتك مع نهـج طبـع النبـي وصيتهـا
حالماً عنكم عمل خير يا شيـخ الشكـور=سيرتك في ديرتك خيـر منـك أعطيتهـا
تنصح الجاهل ثوابـه تدلـه بـاب نـور=بالوفـاء لـك دور بـارز صفـه حبيتهـا
تصلح الاشكال بالناس في صعب الأمـور=للمشاكـل مثـل قاضـي عـدل سويتهـا
من جهودك يـا بليهـان بالكائـد تثـور=لا تقـلـط القضـايـا فــرج حليتـهـا
حي فالك ذخر يـا جعـل للطيـب بـذور=لنعقـل حبـل الرشـا لابتـك عزيتـهـا
يا صبياً يلتجابـك عـن الجـور القهـور=مظبري ستـر ثيـاب القصيـر أضفيتهـا
فيك من نوع الشجاعه وصاحب راي شور=من عوارف رؤوس قومي خليفـة ميتهـا
تضرب الغازي بشلفاء تصيبـه بالنحـور=حامية ضلع الحمـر بقـع موطـن بيتهـا
يوم وقت الكون والضد بالنـار أمحشـور=خالي اللـي وقفتـه دون أبـان اوحيتهـا
ناطح القالات ماضـي فعايـل وأمخبـور=ذيب فيه أفضل مشاعـر سبـق غنيتهـا
يستحق المدح جعله عسى الذنب امغفـور=داعيلـه فـي عشـر حـجـةً حجيتـهـا
قد طرد عن طوقاً أخضر بساتين أوزهـور=واحـرز العـدوان هابـة منـك جليتهـا
غادرة من ذعر والخوف فيهـا والكسـور=والرقـاب العـوج عـن مدهلـك ذليتهـا
صبتهم بسهوم منصور في ذيك العصـور=جبهـة العائـل مـع أول هـدف حنيتهـا
منك واخون يرفع الراس يرمي بالشـرور=ظنـوة النومـاس مـع جرتـك قصيتهـا
غار مع جانبك وأسقط مدير القـوم فـور=طاح بيـن أخويـن مـن خطـةً عديتهـا
شاهدلـك شرقـي الحيـد محافـك قصـور=وانـت بوابـة دخـول النخلـه فكيتـهـا
من عصابه لا تولا علـى عـذب النهـور=عن مشـارب در أبـان الطمـع صديتهـا
ذت عنها صح يا منبع السيـف الجـزور=قاد صحبـه واستقامـت بأبـان أطريتهـا
يوم شد الوايلـي وابعـد الحولـه حـدور=الجمايل مـن زعيـم أعنـزي محصيتهـا
سلـم العهـده بابانـات خـيـلاٍ بـتـور=لبـدوي بعـده بابانـات ولــع ليتـهـا
من بواسل بيت مجناه من شجرة عطـور=عزوتي وافروع ربعـي جميـع أغليتهـا
من عرب وأمة محمد لهـا شافـع بـرور=واختتمهـا فـي صلاتـي عليـه أديتهـا
من عدد قصائد الموقع الوطني للاشعار الملكية الوطنية للشيخ الشاعر / موسى بن سرور