الا يالزمـان الشيـن لاتكشـف المستـور=كفايـه تـرا اللـي مرنـي منـك يكفينـي
تفرالحشـا فـر المحالـه علـى الناعـور=ودامك كـذا قلـي علـى ويـش ناوينـي
تحالفت مع غيرك علـى خاطـرِ مكسـور=وبـاب الفـرج باعـدت مابينـه وبيـنـي
مثـل مافعـل سيـادة الريـس الدكـتـور=معـا روسيـا وإيـران والفيتـو الصينـي
على الشعب الاعزل في حرستا ودير الزور=فعلتـه بقلبـي ليـن يبـسـن شراييـنـي
الاتعلم ان الظلـم خـلا الشعـوب اتثـور=فمابالـك بقلـب ٍ تحـت ظلمـك اسنينـي
لو انك دمـار شامـل وتعمـل المحظـور=ولو انه مـن اطفـال الحجـاره فلسطينـي
تزيد اضطهاديه وسطـوه وبطـش وجـور=وانا ازيد قرب ٌ من صلاتـي ومـن دينـي
سلاحي قوي اقوى مـن الآر والشرشـور=ولا لانت اعزومي ولا اغرورقـت عينـي
وبعيد العرب ماتدري ان في الامور امـور=عسى الله مايخلف نظـرة المجتمـع فينـي
وانا آمنـت بـأن الله مُدبـر وانـا مامـور=خلقني مـن آدم. خالـق آدم مـن الطينـي
لو اني ولد شيعي وعوشرت فـي عاشـور=اذا قيل مـن ربـك بقـول انـه اخمينـي
ولكـن انـا مسلـم وقنـعـان بالمـقـدور=وسبحـان مـن بيـده مماتـي ويحييـنـي
احـب القناعـه والقناعـه لنـا دسـتـور=لـو إنـا نعانـي فـي زمـنـا لمريـنـي
بغينا انتغانـا عـام الاول وجـا الهامـور=كلانـا وعودنـا علـى الفقـر والديـنـي
ولكن عطيت الهوج صدري وغصت ابحور=ولقيَيـت وجـهـي واحــد مايخليـنـي
ودريت ان رزقي بيد من يرزق العصفـورو=هـو طـايـر مايمـلـك الا جناحيـنـي
ولانـي بغاطـط حـق ولا بشـاهـد زور=بعـد دبـرة الخـلاق عـرفـي يقديـنـي
وسنام المراجل كسبنـا وان تركنـا سـور=تركنـاه لانـه مطمـع اشخـاص ثانينـي
لاصاد السبع من صيدتـه ياخـذ الميسـور=ويسري وتاليهـا عشـا كلـب وحصينـي
ويوخذ بشور اهل البخت محكمين الشـور-ولايوخـذ ابـشـور .....و.......يـنـي
ياكم واحد بعيـون ربعـه طويـل اشبـور-وحالـت بـه الاشـوار حـال الرديينـي
وصبر الرجل لو طال له مستـوى ويفـور-كما الحقـد يكمـد فـي كبـود البعارينـي
ولا كل خصم ٍ خصم لو الخصوم اتجـور-ولا اقشر من الخصمه مع الربع الادنينـي
ترا عنتر العبسـي بلـش وابتلـش بالثـور=وهـو عنتـر العبسـي كعـام المعادينـي
ياكثر الخطا غير الاكارم وسـاع اصـدور=ولا تلتفـت فـي هـرج كـذاب ودوينـي
وهذا زمن قفـل قـزازك وطـف النـور=ولو انهـا شينـه... ويامـا مـن الشينـي
عبدالرحمن بن بديع الشهراني