[عيد الداموك]

الاوله جينا نبارك حفل وافين المقام
بالحفله اللي ماحضرت الا لطيب اصحابها


مبروك حفلك يابن نايض عد من صلى وصام
واعداد من كبر بمكه وعد من صلابها


والثانيه مني تحيه للحضور احلى سلام
راع المثل معروف قال النار من شبابها

يالمشعلي ربعك هل الفزعات في يوم الزحام
من عقب سودان المسمى القوم يكسر نابها


ولعل شعرٍ مايوصل هامتي فوق الغمام
ويقصر عن افراح الرفيق وليلته واحبابها


يذهب مذاهيب الغريب اللي تقفاه الهيام
وسط الديار اللي توريه القشر واعجابها


وانا ابن داموك المراجل كاسبن فيها وسام
والنعم في كل القبايل ما نثير اعصابها

ومبروك حفلك يابن نايض عد من صلى وصام
. واعداد من كبر بمكه وعد من صلابها

الموضوع الأصلي: اعداد من كبر بمكه وعد من صلابها | | الكاتب: عيد الداموك | | المصدر: شبكة بني عبس