[شاعر الصعاليك]

تكفى يا بوتركي زهمتك وأنا أخوك = في خاطري علم ٍ يدق المحاني
علم ٍ ما هو مبروك لو قلت مبروك = يوم الدقايق عانقتها الثواني
في حفلة الروشه على دقه الروك = أصوات منزعجه وضحك وأغاني
شي ٍ ململم في لمى وشي مفكوك = وشي ٍ على ما قيل ما له مكاني
وأنا سوات اللي من الضيم مفروك = ينحاش من واحد ويبلش بثاني
اللي يطق الباب والباب مصكوك = ما هو كما المذن بوقت الاذاني
وأنته يا ابو تركي على الطيب ربوك = عبس الوفيه لابتك بالزماني
أفزع لنا بالعلم وافي ومحبوك = أما كذا والا كذا يالحصاني