[شلاش]

[quote=شلاش;2864187]

السلام عليكم ورحمة الله وبركاته....

أعزائي أعضاء منتدى قبيلة بني رشيد,أقدم لكم محاورة شعريه أعطر بها ذائقتكم
والتي جرت في الصيف الماضي في قرية الشويمس ,بين الشاعرين, فهدفايزالخياري,ومعتق العياضي
أترككم مع المحاوره:

فهدفايز:

ألا يامرحبا ترحيبة الأصحاب بالأصحاب=تراحيب النشاما حزة الميقاف منشوره
هذا معتق مسوي له حزب ثوري من الأحزاب=بعد ماراح صياف السحيمي وأنتهى دوره

معتق العياضي:

عساكم للبقاء يالعزوه اللي نجمكم ماغاب=ليا قدمت فاتوره نبي نعطيك فاتوره
هذا معتق مسوي حزب وأنته ماعليك عتاب=لكن حزبي يناصر دولتي وعيال أخو نوره

فهد فايز:

ترى الخيمه تطيح أن كان ماشدو لها الأطناب=عيون الناس مافيها حول وألا بها عوره
وألا ياحرب في ظهر السفينه نصفكم ركاب=وحنا اللي نشاهد وضعكم بالصوت والصوره

معتق العياضي:

عن أبليس العور ياللي تهددنا قفلنا الباب=بأمر ربي عيال أبليس منهيه وماموره
تحاول تكسب الاعجاب مأنته كاسب الأعجاب=وناصر يصنع الثوره وحطك قايد الثوره

فهدفايز:

ليا جينا نطق الباب حذرا تقفل الأبواب=ترى الأيام تلعب بالضعيف لعبت الكوره
هذا حلو الزجاجه والزجاجه بالحضى تنصاب=ومن حذفة حصاه اطيح فوق الارض مكسوره

معتق العياضي:

لاوالله ماتحصل غير شلفاً مثل شلفا ذياب=أنا أمثل رجال الدين وأهل الدين منصوره
تبي تطلع على الساحه تبي تطلع على المرقاب=ترى عذر البليد أنه مسح تسعين سبوره

فهدفايز:

لاصار الراي ماهو في يد الصاحب,مع الأجناب=تبي تلقى بيوت العز محتله ومهجوره
تعرفون العلاقه بين جمر النار والمشهاب=ولكن كل واحد يدفعه حسه مع اشعوره

معتق العياضي:

أنا رايي محنك يوم أفك أرقاب لأجل أرقاب=دمي الله سترها يوم فيه ادمي مهدوره
بفعل العولمه مانعرف الصادق من الكذاب=لكن أهل الشويمس رزقهم في رأس تنوره

فهدفايز:

نعرف اللي يفك أرقاب يوم الموقف الغصاب=كلامك يالعياضي مايجي في مجلس الشوره

صح ألسانهم
ومشكور على النقل
حاولت أنسقها لكن مايضبط معي .