اقتباس من مشاركة ابو صووط
السلام عليكم ورحمة الله وبركاته
يالربع العموم يحضر مشتاقين للجميع والسوالف الطيبه
والحاضر يعلم الغيب مبطين عن الربع وفيه شعار واعضاء مالهم ليحه ازهمم عليهم
الله يحيي الجميع منكم في منتداكم الشامخ
اسمع يامصفي المرحان
مصفي المرح وش رايك نخيل السحابه = لحيتي لاح فيها الشيب موفت غرضها
ومايجيب الذيابه غير صوت الذيابه = عادت المسبعه بالصوت تجذب بعضها
|
عليك السلام يابو صوط
طاروقك هذا شلع قلب المعزب مدري وش فيه ههههههه
راعي الصوط جاه الشيب واقفا شبابه=ماترجّع شبابه صورته لو حفضها
لو يجاوب قنيب الذيب ويحد نابه=ذايبه في صميله زبدته لو مخضها ههههه