[فضي البراك]

قصيدة لأخي للشاعر ثامر شبيب رثاء بوالده رحمه الله الذي أعتبره والدٌ ،، لي ،، عساهم للجنه

وهذه الصوره لي مع العم شبيب الله يرحمه برحمته





[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black""]
جفني يجرحه السهر عن مباته=والريح كل طاري لصدري تهبه

يطري علي (قبر الحبيب) وغلاته=عسى المطر يسقيه بارد مصبه

الموت ماخفته بحرّة قساته=الموت واحد لويجي بألف سبه

من يعبد الله ويذكره في صلاته=يعرف طريق الحق لازم يطبه

مافيه احد عايش وضامن حياته=أيام عمر العبد بيدين ربه

حتى الطبيب ان جات ساعة مماته=مافاد لا علمه ولا فاد طبه

يالله ترحم من بقى طيب ذاته=من وين مالديت قام يتشبه

هذاك كرسيه وهذي عصاته=هذاك ديوانه وهذا مشبه

قلبي هشيم مرته ذكرياته=قامت تحرث النار فيه وتشبه

يقول فيني ضيق وآقول هاته=ماعقب حب العود عندي محبه

اذكر ليا نادت عليه شفاته=مسكت كفه في يديني أحبه

واذكر بعد وشلون كانت وفاته=وانا بجنبه ودمع عيني تصبه


لو ماأخاف الله كتبت بمماته=بيت يمر البال من زود حبه

ماكان مثل الناس طيلة حياته=في موتته فالناس كيف يتشبه
[/poem]


شعر/ ثامر شبيب الدقباسي

الموضوع الأصلي: ( قبر الحبيب ) ثامر شبيب | | الكاتب: فضي البراك | | المصدر: شبكة بني عبس