انتبه من غدر الايام وجروح السنين
ماعلي من البشر لكن انت تهمني !
بنصحك لا موعشاني ولا ودي تليـن
بنصحك لاني احبك / وحبك سمني !
والله اني ادري في بعْدك علي موتي بْيحين
واعرف اني في غيابك حنيني يذلني !
بس لجلك والله انها ترى روحي تهين
بشتري راحه خفوقك لو انه ضرني !
ببتعد واصبر واحارب جروحي والانين
بتركك وانطرك ترجع تصيح تحبني !
وبصرخ اصرخ حيل ودموع الاعيان بْتبين
ايه احبك اقْرب اقْرب لحضنك ضمني !
دفني ياجارح الروح واسقيني حنين !
لين مايبرد خفوقي لقلبك لمني !
بتركك / ياكثر منهم لبعدي ناطرين
لكن اقسم لك وانا قد حلفي خلني !
وابتعد عني وشوف لخفوقك اخرين
صعب تلقى واحدن في مكاني يحلني !
لكن اسمعني رجيتك تراهم خابرين
طبعك الطيبه في عالم بغدره منبني !
انتبه ثم انتبه ياغلاتي لا تشين
دنيتك من بعد مازين طبعك تلني !
ببتعد والجرح يكبر مع كل خطوتين
ببتعد لجلك لو انه الحزن محتلني
وناطرك والقلب بتركه ياقلبي رهين
لين ماترجع وحزن البعاد يملني !
وانتبه من غدر الايام وجروح السنين
كان ماهمك تراك انت والله تهمني !
